鑽石是名貴飾物，不少女士都渴望收到鑽石做禮物，迷你論壇女網友Neige卻說對鑽石沒有感覺，她不是視鑽石如糞土，而是因為經常收到別人送贈的鑽石，「我收到冇晒表情。」
「做到真石咁靚」
女網友Neige自言不稀罕名牌Tiffany，男網友則說其實不必花錢買真鑽石，「好多女仔睇死我哋買唔起真鑽石，就算係真都以為係假，所以我買假石送畀女朋友。」網友賽伯拉斯也說買假石經濟實惠，「同一價錢，買到好大好大粒㖭。」他又說其實鑽石只是「較硬的石頭」，不明白為何女孩子這麼喜愛，「𠵱家有好多假鑽石，已經做到真石咁靚，使乜買真石？」
網友Tigerpaper表示，若是自用的話，她也會買假石，「最緊要自己戴得開心，真假都無所謂啦。」但網友小松奈奈認為，鑽石代表永恒的愛情，其他寶石或假石的飾物，就算很漂亮也沒有這種含意，「如果個男仔送啲平嘅戒指畀我，希望佢講清楚唔係鑽石，我唔介意平的鑽石，但不想戴假鑽石囉。」