不是寃家不聚頭！曾共患難、互慰情傷嘅名模好姊妹Rosemary同AnaR.，呢排嘈交嘈到上天橋，噚日呢對死對頭喺香港新系列時裝創作大賽再次同台相遇，好彩大會悉心安排，佢哋冇再前後腳出場，長期分開。
名模姊妹講好話
Rosemary狀態回勇，心情靚絕，戴住巨型假髮調皮谷胸；AnaR.真空上陣飛釘透點，但全程心事重重面黑黑，認真趕客。到大合照時，Rosemary咁啱示範得獎作品，企正中間好位，而AnaR.就被迫靠邊站，令佢更不是味兒。
與此同時，同業一致為Rosemary講說話，喺台下第一次做評判嘅周汶錡話：「你哋放過佢哋啦，可能件事係無心之失啦，（Rosemary）唔係有心爆人私隱。」
另一邊廂，LisaS.噚日演出Loewe時裝騷時雖然話唔會做和事老，但就力撐Rosemary唔多口，佢話：「我唔會牽涉入去，因為做和事老永遠唔work，AnaR.好保護自己私隱，但人人都會犯錯。我唔覺得Rosemary大口，佢從來都冇試過爆我私隱。」
