歐亞大師賽今晚係灣仔伊館舉行，現場可坐3,000觀眾，喺桌球界算係觀眾多嘅比賽。原來喺外國打波多年嘅傅家俊都未見過咁大場面，佢話自己最多都係得2,000人睇波，今次雖有主場之利，但有咁多人可能係另一種壓力，贏唔贏真係要睇臨場發揮。另外，由於10月英國有大賽關係，傅家俊同丁俊暉決定放棄喺澳門舉行嘅亞洲室內運動會。