Krusty的活己嵐和張詠恩（阿Jan）一向都愛穿牛仔褲。阿Jan就試過為穿超窄牛仔褲而減肥，阿嵐則為了保持牛仔褲的原色，而數年沒有洗牛仔褲，更曾試過一日內花了5位數字購物，連阿Jan也忍不住問她是否瘋了。
女子組合Krusty早前應新城節目《一個靚墟》邀請，到九龍塘又一城推廣「普普藝術節」，認識美國藝術，更到Levi's示範美式衣着文化，活己嵐和張詠恩均表示很喜歡美國的衣着風格。
阿媽鬧有陣味
阿Jan謂：「我比較鍾意Vintage嘅服飾，好有味道。」而阿嵐就喜歡小背心襯牛仔褲這種style，她說：「感覺好舒服，帶點健康性感，喺外國好多女仔都係咁着，唔會有人眼望望，我都試過喺外國淨係着住bratop襯牛仔褲出街，喺香港就唔敢，因為啲人會不停望實你。」
Krusty對牛仔褲情有獨鍾，阿Jan試過為了穿超窄牛仔褲而減肥，而阿嵐則謂：「我試過有條牛仔褲幾年都冇洗過，因為牛仔褲唔可以成日洗，啲色會唔靚，搞到俾阿媽鬧話我啲褲有陣味。」
平時知慳識儉
大多女人天生是購物狂，阿嵐及阿Jan當然也不例外，不過原來阿嵐是慳妹一名，平時都很知慳識儉，不過也曾有瘋狂時，阿嵐說：「記得入行後第一次出糧，好想獎勵自己，因為做嘢咁辛苦，所以一日內就用咗5位數字買衫，嗰次係我咁大個女第一次用咁多錢買嘢。」阿Jan也忍不住插嘴說：「嗰次真係俾佢嚇死，平時佢真係好慳，佢打畀我話買咗5位數字嘅衫，我都忍唔住問佢係咪黐咗線。」
採訪：胡比 攝影：陳慧安
