鍾嘉欣、黃又南、陳坤和余文樂等,前晚在荃灣一熟食市場拍攝電影《花花型警》,鍾嘉欣於戲中周旋於余文樂及陳坤之間,她透露跟他們沒有親熱戲,只有兩場喊戲,問她是否導演看過她在《溏心風暴》中經常喊而揀她當女主角?嘉欣表示:「我問過導演,佢冇睇過我做戲,佢只係睇過我啲相,我都主動送咗套《溏心》DVD畀佢,導演都有話我做戲誇張,𠵱家每拍一場戲,佢事前都教我做一次。」
又南周身傷
黃又南左手掌包上紗布,右邊腋窩下有疤痕,他表示是開工時弄傷,他說:「因為拍武打場面,當時手掌插落地下插到支半吋長嘅生銹釘,而膈肋底就撞到石屎牆嘅牆角,當時工作人員都話要即刻送去醫院,不過我堅持拍完先去,最後都淨係打咗支破傷風針而冇縫針,怕有疤。」
採訪、攝影:魯萍