「黃太，你先生（丈夫）走咗喇……！」屯門虎地消防局高級消防隊長何家雋，強忍着傷感，向剛剛在他面前跳樓身亡事主的妻子宣佈這噩耗。這驟來的喪夫之痛，令黃太無法接受，即時歇斯底里的慟哭起來，在旁兒子擁抱着母親不斷安慰。
「希望人珍惜生命」
對於今次事主疑因見到消防員準備縋繩救人，因受刺激而從24樓跳下，並跌在氣墊旁邊地上當場慘死。何家雋表示：「消防員每一次救援行動，都係盡量喺安全嘅情況下進行，冇人想有咁嘅結果，我哋已經盡咗全力。」
至於氣墊放置位置問題，何家雋說：「氣墊放位係合理同正常嘅，當然我哋希望有更大嘅氣墊，但𠵱家已經係喺現有最好器材下盡力去做。」他又說：「事情發生之後，我哋全team人好唔開心，好難過，事實上我哋全隊人已經交出咗個心去做營救。」他又慨嘆：「希望人可以珍惜生命！」
收隊離場黯然神傷
昨日事發後，消防員收隊離場時，各隊員都有點黯然神傷，其中一名有份在樓上戒備的消防員，對記者的追問，只傷感地回應：「好唔開心，唔想講嘢。」隊長何家雋事後稱，有隊員心裏難過，他作為隊長會鼓勵同事繼續努力，並會在下班後與他們討論事件，以釋放情緒。
另一方面，痛失丈夫的女事主因為一時無法接受事實，情緒失控，事後由兒子陪同送院檢查，其後幸無大礙。
本報記者