李嘉欣與許晉亨蜜運多時，卻有指因何超瓊阻撓、遲遲不肯離婚，令嘉亨戀不能開花結果。何超瓊前晚自爆已於數月前簽紙離婚，只是等法庭頒令，絕沒有「阻頭阻勢」，更直言對兩人婚事，以至任何事都不感興趣，表明立場不再留戀。
藝壇大師黃永玉來港主持在銅鑼灣時代廣場舉行的藝術展，前晚酒會上，大批政商界名人名媛湧到，向大師索取簽名，其中何超瓊（Pansy）向大師拿取簽名合照後，反被一名西裝拍友fans狂影兼送相。
提到嘉亨戀，Pansy破例滔滔不絕說：「我交代咗啦，我簽咗紙離婚㗎喇，我從來冇否認我簽咗紙，𠵱家係等法庭頒令，我做咗我啲嘢㗎喇，你哋唔好成日話我阻頭阻勢。」
「對佢哋冇興趣」
問何時會頒離婚令？Pansy笑說：「你哋自己去check啦，我幾個月前已經簽咗，喺爆呢單大單嘢（指嘉亨結婚）之前我搞咗。」問到是否介意被外人指摘時，她說：「啲傳媒唔好畀咁大壓力喺我嘅私人事上，我好快唔使牽涉入呢件事，我諗佢哋（指嘉亨）都知我做緊嘢㗎喇。」問她許晉亨何時與李嘉欣結婚？她說：「我唔知喎，都唔需要問啦，我對佢哋嘅事物冇興趣，唔關我事，你哋唔好成日問我開唔開心，我不知幾開心。」她又澄清近日沒有接受內地傳謀訪問及發表任何感想。
默認打針隆胸
同場的新昌營造主席葉維義太太葉梁美蘭，剛自羅馬回港，見她忽然升cup，十分誇張，她默認胸前加工說：「我講乜都冇用，最緊要係takecare自己，覺得自己有啲嘢要改善，咪去改善囉。」問她是否效法樂基兒放矽袋隆胸？她說：「冇，我冇佢咁勇敢出位，呢啲有好多方法，我一向都好有自信，我係胸墊女王。」那她是否會考慮隆胸？她說：「唔會排除囉，呢啲好普及。」再問會否打針谷大時，她說：「打針好似化妝咁，個人做咗開心，唔使理人哋。」
自認曾抽大麻
此外，扒女李依琳好友邢嘉倩的男友Kevin潘，早前涉嫌在住所藏有小量大麻被捕，李依琳對此說：「我不知情，這些在美國是合法的，我覺得不是太壞，我在美國也試過，試完很relax，但對我來說不是太有趣。」有傳她事發當日也在場，之後更落荒而逃，她即爆粗說：「Shit！我那晚是和爸爸、弟弟在家中打機，我看到這樣寫我的記者，我一定會罵她。」
採訪：RitaLeung
攝影：EdwardChou
