10月17號作客俄羅斯嘅歐國外，好可能係英格蘭晉身08歐國盃決賽周嘅生死戰，但前者足總日前知會英足總，表明場波將安排喺莫斯科斯巴達喺歐聯用嘅人造草場比賽，對英軍嚟講真係唔知凶定吉？理論上，踢開人造草嘅俄國球員應該佔優，但英軍若以碧咸斬波配以高治空襲嘅話，踢乜草似乎影響唔大。