消費blog:HelloKitty變身地鐵車長

消費blog:HelloKitty變身地鐵車長

係女仔都鍾意HelloKitty,我當然唔例外啦,今次仲有好嘢第一時間通知大家,就係HelloKitty會穿上地鐵職員制服;噚日地鐵公關L拎住呢批最新造型嘅公仔出嚟,真係又「英」又得意。

公關L話,總共有六個造型嘅公仔(圖),分別係地鐵列車車長、助理消防及保安督導員、基建維修技術員、鐵道車輛維修技術員、車站助理、分組車站經理。我最like係列車車長,話晒控制成部車喎,同事寶寶就話鍾意維修技術員,貪佢manman哋。
公關L話唔使拗,換晒咪得囉,由7月16日起每個禮拜換一個造型,乘客只要每星期嘅周一至周五,使用同一張成人或特惠八達通卡,乘搭10次地鐵,就可以換購價18元換一個。第七個星期,即係下月27日至9月2日,可以30元換購精英號珍藏列車同「我的地鐵好友」原聲CD,數量有限,先到先得。
逢周一至周四刊出