鈴木仁案提堂前夕
馮仁昭四圍超：陳鴻業打冷　超瓊抱抱 - 馮仁昭

施念慈前夫陳鴻業，涉嫌5月中喺蘭桂坊毆打日籍藝人鈴木仁，被起訴對他人身體加以嚴重傷害罪，同埋襲擊致造成身體傷害罪名，噚日案件喺東區裁判法院提堂。前晚着便服嘅陳鴻業好輕鬆咁同女友鄭詩韻、好友何超瓊同超蕸姊妹一齊打冷。
前晚11點，鄭詩韻名下架白色七人車停咗喺西環尚興潮州酒家門口。凌晨12點前，陳鴻業同鄭詩韻、超瓊、超蕸，仲有一個女友人，一行五人食飽飯離開，雖然陳鴻業第二日一早要上庭，但佢睇嚟心情不俗，步履輕鬆。

嘆消夜心情靚

陳鴻業行出門口仲好開心咁同司機打招呼，反而好友超瓊似乎擔心啲，因為喺眾人話別時，超瓊好有心咁擁抱陳鴻業，為佢打氣，示意叫佢小心照顧自己，跟住陳鴻業就同女友一齊坐車走，超瓊自己上平治房車走，超蕸就同另一位女友人雙雙離去。