廖碧兒和陳敏之昨日到新城電台接受訪問，宣傳昨晚首播的無綫新劇《強劍》。提到近日網上流傳網友自製該劇MV，廖碧兒說：「我都有睇過，普通話同泰文都有，佢哋剪得好有心機，其實都好似因為係內地同泰國之前播映時反應好，所以公司先決定喺暑假播。」
黃宗澤搞笑
廖碧兒又透露前晚親手為愛犬接生，她說：「生咗三仔一女，不過有一隻仔可能發育唔健全，所以死咗，搞到我成晚又喊又笑，佢用力叫我又叫埋一份，𠵱家覺得自己好似成個媽咪咁，同埋覺得母愛好偉大。」
陳敏之談到新劇時則說：「劇入面有好多特技，淨係搞後期都搞咗大半年，當中Bosco（黃宗澤）同李思捷會搞笑啲。」
採訪、攝影：藍文浩