時間：2002年10月
地點：香港
人物：佘詩曼、陳浩民
經過：佘詩曼同陳浩民拍拖四年，最終因為阿佘難忍男方花心，去年底同佢分手。其實佢兩個02年3月合作拍攝電影《情緣汽水機》時已經撻着，但兩個最初一直死口唔認，直至02年10月，一段極似阿佘同陳浩民聲音嘅情慾對話俾人放上網，佢哋兩個嘅親密關係先至冇得抵賴。
當時阿佘啱啱同方中信拍緊劇集《花樣中年》，喺嗰段情慾對話中，兩個人猛講方中信是非，阿佘先問陳浩民方中信係咪基民，跟住又話方中信有日揸部車想泊喺無綫停車場，點知因為冇職員證，保安唔畀佢泊，方中信就大大聲話自己係方中信，仲連續講咗兩次好鬼核突。
之後雙方繼續意淫對話，𠱁得男方鬼咁開心，男方用好淫嘅語氣話：「夾腳夾腳」，又叫女嘅做老婆仔，內容極度三級。聲帶曝光後，阿佘唔肯回應，陳浩民話採取法律行動，但最好嘢都係方中信，佢唔單止冇同阿佘面左左，仲同記者講笑話自己係萬能插蘇，輕輕帶過原本好尷尬嘅是非，高招。
本欄逢周一至周六刊出