琦琦和任達華日前以代言人身份遠赴加州，獲安排入住電影《風月俏佳人》（PrettyWoman）的總統套房。任達華在當地逗留不足24小時便返港做「湊仔公」，琦琦乘機放假偷閒shopping，在不出100米的四間店裏花了十幾萬港元，在其中一間店裏更四小時內不停試衫，最後花了12萬買100件tee，真瘋狂。
琦琦早前與丈夫任達華飛到洛杉磯為Omega主持專門店開幕，琦琦留在當地四日，再飛到拉斯維加斯看CelineDion表演，再到三藩市兩天探朋友。
老公授權購物
琦琦透露此行是超級豪華工作之旅，Omega安排他倆入住拍攝電影《風月俏佳人》的酒店RegentBeverlyWilshireHotel總統套房，更包了一架幾十呎長轎房車供他們出入。
對此琦琦說：「我哋住完，發覺唯一係個浴缸唔同電影入面，我諗可能當日唔係喺度取景。今次成個trip都好開心，唯一可惜就係老公要趕返香港拍電影，留喺LA嘅時間都唔夠24小時。」她透露當晚與VIP一同晚宴，任達華只品嚐了頭盤便趕飛機，臨走他更幫琦琦將所有工作的用品和服裝帶回香港，並體貼地說：「我返去做湊仔公，你都應該放吓假，你鍾意買乜就買乜啦。」
狂試四個鐘頭
生下囡囡Ella後，兩年來琦琦自言從未如此輕鬆放假，故她shopping頓時失控，在四間店內買了十幾萬港元便服，她說：「我行街不出100米，淨係行咗四間舖，喺其中一間店一入就四個鐘頭，我不停咁試，佢哋當咗我係大豪客，唔想我出fittingroom咁，不停塞啲衫入嚟，最終我買咗100件tee，埋單12萬。真係好似變咗Prettywoman咁，喺比華利山狂買狂試。」
此行琦琦更謂如回到未嫁時，盡情購物，與朋友促膝夜談，她說：「我喺飛機度連續睇咗五部電影，喊到眼腫。」在美國度過愉快一周的她，更萌起在洛杉磯買一間海邊小屋的念頭。
採訪：DebbieLum
