官恩娜同江若琳噚日喺西環英皇書院出席活動，由於呢間係男校，所以當男學生見到兩位女歌手出場時，就報以熱烈掌聲加尖叫聲。一向打扮性感嘅官恩娜出奇地密實，問佢係咪怕令一眾男生對佢有性幻想，所以收起性感？官恩娜就話：「吓？我想佢哋係睇我演出，唔想令佢哋有其他想法，都唔想成日性感囉，呢度係名校，都要着得尊重啲嘅。」