炎炎夏日，暑假又到，鬧市買賣舊書的活動悄然興起。有網友近日甫踏入葵涌廣場即成為「獵物」被圍，令他非常不滿，強調「入親去都俾一班金毛𡃁妹喺度叫人買書，煩到乜咁！」一名網友則指出「有啲中學生攞住袋舊書，行過啲商場門口時，舊書舖啲人直情一手攬住袋書，拉住個中學生返舖頭。啲買賣舊書嘅人太過猖狂喇，真係要立法管理吓。」
「每年呢個時候都會有咁嘅情況出現㗎啦，咁都要鬧，𠵱家人哋叫你買書啫，又唔係叫你去死！」有網友這樣反駁版主。「亂世KAI人」也說：「你咪唔好理佢囉，好多商場都係咁㗎啦？做咩只鬧葵涌廣場喎？」
心口貼「收書」
Whywhyy向版主獻計，「下次你去葵涌廣場，喺自己心口貼張寫住『收書』嘅紙，佢哋就唔會嚟煩你。」另一網友則建議跟那些賣書的少女說：「我阿爸開書局㗎！」或者拿張廢紙扮書單，一邊行一邊看着，那些賣書的人一定會搶走張「書單」，他們搶走後就速逃。中白發說：「係我就再狗啲，拎中一嗰份書單去，本本都改咗版。」
不過，網友津九二世卻說：「如果係囡囡，我又唔怕俾佢哋煩。」qss接着道：「哼！外面就妹妹，裏面全部都係啲黑社會。」有網友更武斷說：「做得書店嘅，大多數好極有限。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]