讀者韓小姐曾於04年底，陪同友人到沙田好運中心利嘉閣地產物色住宅樓盤，其間友人將韓小姐之流動電話號碼交予經紀作聯絡之用，最後友人並未透過該公司購買物業，她以為事件告一段落。豈料近月，隨着馬鞍山有新樓盤推出，該名經紀竟以「電話轟炸」方式，多次致電韓小姐的手機推銷新盤，令她不勝其擾。
韓小姐怨道﹕「上次做唔成交易，我哋已經講明唔需要再睇樓，點知佢仲打嚟推銷，打咗不下十次，我試過拒絕佢，又鬧過佢，都無用。最密嗰段時間係一星期打三次嚟，最近嗰次仲係夜晚11點幾打嚟，令我精神好困擾。」
否認午夜致電
利嘉閣地產否認職員在投訴人所述之時間致電促銷，惟接獲投訴後已停止使用其電話號碼作市場推廣。該公司續指，早前因接獲多宗有關電話促銷投訴，已向職員發出「電話促銷須知」通告，要求應在合理時段致電客人，以免造成滋擾。另如客戶要求拒絕服務，便需在電腦紀錄中註明『拒絕服務』。
檔案編號﹕0618022