近排內地豬肉價急升，連帶香港豬肉供應都緊張埋，大陸就有散戶提議囤積豬肉，當股票咁炒；香港嘅網友都唔執輸，想趁豬肉價升發財，Hhhwong振臂高呼：「要求港交所推出『豬肉期貨』，豬肉有價有市！」
分腩肉梅頭瘦肉賣
Cambyhk亦話：「香港絕對有條件推出『豬扒期貨』。」搞笑就話：「都唔使啦，散戶本身已經係豬肉，成日俾日劏！」
唔好以為講笑，好似網友大隻金就好贊成Hhhwong嘅提議：「開豬肉期貨都好，但要好似街市啲豬肉檔咁，分豬腩肉、豬頸肉、梅頭同瘦肉咁賣。」Yeungph更話：「不如放晒啲股票，回歸田園養豬。」
等港交所（388）搞期貨市場，不如睇吓有乜股炒仲實際，Infernal就話：「內地豬肉供應咁緊張，要小心雨潤（1068），作為肉製品供貨商，隨時會因為咁增加成本。」
http://www18.discuss.com.hk/viewthread.php?tid=4661238&extra=page%3D11