「環球金融、地方智慧」不嬲都係滙豐嘅口號，如果要喺日本市場有一番作為，就更加要注重地方智慧，前日滙豐喺日本嘅《日經新聞》刊登三分一版廣告，話要招聘分行經理、客戶關係經理等職位，聽聞廣告費要成5.2萬美金（40.56萬港銀）。
日本市場唔易企
滙豐咁高調喺日本請人，都算係行內新聞，之不過，啲分析家話，外資銀行要同本地銀行爭，似乎有困難㗎，因為呢個已經係高度競爭嘅市場喇。
另外，滙豐由亞太區企業責任及可持續發展總監區佩兒帶領140位員工及其家屬，仲有青少年團體，一齊參加「米埔除草大挑戰」，仲為世界自然基金會「助養魚兒計劃」籌到超過5萬蚊。
[email protected]