中環在線:建行員工分認股權 - 李華華

中環在線:建行員工分認股權 - 李華華

今時今日,員工基本人工加幅,再唔係打工仔嘅焦點,反而每年派幾多花紅同認購股權,先至係戲肉,內地企業都唔例外,好似準備回歸A股嘅建設銀行喺公告話,已經實施第一期員工股權激勵方案,符合資格嘅27萬員工,可以認購並獲分配合計8億股股份,以上個禮拜五建行收市價5.85元計,呢批股份涉及價值達46.8億銀。
不過,建行激勵方案嘅資金由員工自願拎出,而唔係國際銀行咁,由行方喺盈利撥出,員工自願出資嘅比例,係員工上年度稅前工資額嘅5至10%,激勵基金由建行按當年淨利潤增幅為基數,按一定比例計算提取,每年提取嘅激勵基金數額,唔可以超過當年度建行淨利潤嘅5%,股份分配包括認購同獎勵。
較早前內地A股萬科,其董事長王石嘅07年度薪酬,亦因經修訂後嘅股權激勵方案,而有望接近6000萬元人民幣。
[email protected]