私人銀行已經成為銀行界趨之若鶩嘅生意，唔少財資市場嘅資深從業員，都轉工加入呢個圈搵食，5月底離開工銀亞洲嘅司庫陳鳳翔，據華華了解已經有落腳點──加盟花旗私人銀行部，聽講好快返新工。
若果消息屬實，咁就會同一樣由渣打跳槽過花旗私人銀行、前資本市場公會嘅主席姚志鵬Brian做埋同事。
啲財資界前輩同華華講，𠵱家財資市場唔易撈，爭崩頭做餐死，一單deal只係賺十滴八滴（即8至10點子），相反轉攻財富管理嘅私人銀行，生意就滾滾來，事關亞洲市場已成為全球財富增長最高速嘅地區，服侍百萬富翁好過服侍大機構，所以唔少人都由sellside嘅炒房，轉型做buyside嘅財富管理。
[email protected]