好多時出街見到啲女生上上下下都打扮得靚靚，但係一望個頭，真係毫無特色。唔係普通長髮披肩，就係簡單梳條馬尾夾個髮夾，好悶啫。其實只要用一條橡筋和簡單幾下動作將頭髮束起，就可以將平平無奇嘅髮型變得生動起來。
記者：黎笑英 攝影：陳偉強
模特兒：KittyFung
風格最重要
夏天熱到爆炸，不少女生定會為一頭長髮束手無策，散在膊上又嫌熱，束起又似小師奶。有見及此，toni&guy髮型總監DavyNg就親手做個示範，教大家兩款自己喺屋企都可以做到嘅夏日清爽髮型，最緊要係需時短，但效果突出，三幾下散手就有個新形象。
HairAccessories
（銅鑼灣渣甸街檔口）
HairProducts
toni&guy（28901900）
地址：銅鑼灣恩平道28號利園二期125-6號店
活潑大鬆辮
唔想梳得太工整，可以試做這個髮型，只要把束好的辮加少少花臣，就可立即變為時代感重嘅形象。
Steps
1.梳順頭髮，將後面頭髮分成左右兩部份，斜向梳出髮界，打破呆板感覺。用橡筋圈束好兩邊頭髮。
2.噴上捲髮護理噴霧，將頭髮分成小束，逐一燙捲。
3.拉住辮子尾部，用密齒梳子由髮尾梳向髮根，造出凌亂感。將辮子屈向髮根，用髮夾固定。以相同方法做另一邊。
4.用電燙髮夾拉捲額前劉海，噴上定型噴霧，梳出理想弧度，以髮夾固定，配以髮飾。
典雅斯文三手辮
這個髮型適合劉海有一定長度的女生，因為三手辮的效果較溫文，若配襯背心短裙，更顯青春少女味。
Steps
1.於髮上噴上直髮護理噴霧，用直髮夾逐少逐少將頭髮輕輕拉至平滑。
2.梳好劉海。右方頭髮，以頭頂為中心向耳朵上分出一條髮線。用大髮夾將後方頭髮夾住。
3.以三手辮方式將劉海斜向右結出三手辮。結辮時，應將右方頭髮逐少加進三手辮內直至結成一條辮子，用橡筋束尾。
4.用髮夾固定辮子於後腦位置，讓頂部頭髮自然垂下蓋過辮子尾部。以柤同方法處理左邊劉海。
