CarsonYeung楊家誠近日收購嘅英超球隊伯明翰，最近轉咗球衣廣告贊助商，新球季嘅波衫心口廣告，由管逾千億英鎊資產嘅歐資基金F&CInvestments獨家贊助，等球迷認實嘜頭去投資，原來F&C好睇好亞洲特別係中國市場，睇嚟同楊生好啱key。
F&C旗下嘅太平洋增長基金經理人MarkWilliams近日接受路透社專訪，話佢哋專吼日本以外亞太區內嘅小型股，因為獲利增長往往高於市場整體指數，尤其睇好中國企業股票可以勝出，內地首季經濟增長11.1%就係信心指標。阿Mark舉例話，港股中，F&C揸緊筆克遠東同中國水務；其他地方掛牌嘅中國概念股，就有包餃子嘅思念食品、鐵路基建公司麥達斯等。
至於南韓同菲律賓，佢話都有好多機遇；而印度嘅股票估值過高，暫時未大舉進軍。
Carson前幾年就勁炒濠賭股賺過億，會唔會搵埋F&C入股，一齊喺內地搵多啲呢？
[email protected]