8號仔舊年賣唔成之後，無論兩大股東點講，外間（留意，係外間）一直話網通同佢決裂反咗枱，好似噚日8號仔公佈換董事，嚟自網通嗰邊嘅田溯寧（非執董兼董事會副主席）同范星槎（非執董）請辭，由左迅生（網通執董兼首席執行官）同李福申（網通執行董事）補上，豈料咁都惹人遐想！
換董事惹遐想
查實走兩件換番兩件一樣咁勁嘅，就證明網通都好在意喺8號仔嘅角色，否則是但換兩件蛋散，點襯得起李察嗰邊啲精英、大家點和諧合作呢。
至於阿迅同福仔有幾勁？喺飲網通奶水之前，唔似山東佬嘅山東佬阿迅，做過山東郵電管理局局長、濟南電信局局長……一句講晒，濟南名士多。
而吉林福仔就絕對唔係賣長白山人參嘅，佢曾經喺吉林電信同吉林通信做過副總經理……一個字──勁！
[email protected]