昔日的銀壇肉彈敢愛敢恨，當今的商界強人敢想敢言。講民主，她撐遊行得來，又鬧人回歸流流不應上街；講政治，她鬧完民主派煽動港人之後，又鬧民建聯濫唱國歌；講自由，她主張言論自由之餘，又怪黎智英罵領導人的言語太過肉酸。
「點解講咁肉酸嘅話」
2003年7.1大遊行，50萬人反23條，狄娜表示支持，「嗰時大家反對23條係有一定理由，因為太牽連於個人，我認為23條冇必要。」但她又叫人7.1不應上街，「7.1係一個國慶（記者按：7.1是香港回歸紀念日，國慶是十一），除非你話我係反對香港回歸，咁你咪7.1遊行囉。」
在她眼中，香港的政黨都沒出息。民主黨7.1跳海爭普選，她嗤之以鼻，「胡喱馬叉又話要去跳海，咁你感動邊一個先得㗎？」民建聯愛國愛黨愛唱歌，她覺得無聊，「民主派對唔住香港，淨係識得利用香港人不懂國情；民建聯一樣對唔住香港人，日日唱國歌，咁又點啫？」
狄娜說，民主是「雖然唔同意你講嘅嘢，但係我都要用盡一切力量維護你嘅言論自由。」與此同時，她在訪問過程中多次投訴壹傳媒主席黎智英的放肆言論，指他最近曾公開斥責人大委員長吳邦國「條友黐線㗎，真係頂佢唔順。」狄娜說：「點解佢會講啲咁肉酸嘅說話？你係傳媒之中有名氣嘅人，使乜破口大罵，失晒形象。」