選美出身嘅公仔箱花旦「跣你」，近年唔停咁搭上有婦之夫，搞到形象插水，就算佢有新劇上緊，高層都唔敢搵佢做宣傳，費事出嚟越搞越禍。
雖然佢新嘅緋聞情人「細波」力撐跣你為人，猛喺傳媒面前維護佢，不過跣你睇嚟都好難翻身。關仁聽聞跣你姣媾細波之前，佢都睇中公仔箱裏邊，一向形象健康又正氣嘅「阿戇」，佢哋之前合作拍戲嘅時候，跣你喺錄影廠猛咁放生電，工作人員話阿戇都幾冧㗎，不過，好彩佢臨崖勒馬，如果唔係就做咗「不忠」個替死鬼。關仁覺得跣你咁靚女，好心正正經經去拍拖，再係咁除咗搞壞自己個朵，最慘嘅係冇男人敢埋身，到時事業又冇，愛情又冇，搵鬼可憐你。
Textby關仁