職業無分貴賤，最重要是有前途及好「錢」途，女網民「地盤阿姐」自稱22歲，在地盤任職行政文員，日日在地盤上班，不過這份工作令她飽受白眼，家人勸她不要「群」埋地盤佬，朋友得悉她在地盤工作，即露出不一樣目光，「地盤只係一個工作地方啫，點解唔做得？有工做好過無嘢做啦。」
「地盤阿姐」說做這份工大約兩年，「工作環境其實唔係咁差，而且公司都幾自由，老細成日唔喺度，無乜人理我，係男人多咗啲。」雖然她頗滿意工作，不過家人朋友卻勸她脫離藍領行列，不要返地盤。
網友普遍認為在地盤工作沒有問題，karanda是過來人，曾在建築公司工作，「要跟老闆落地盤，不過喺男人堆中，女仔顯得好矜貴，好多人幫手，係其他地方無嘅工作經驗。」有網友稱可能地盤工作環境較差，所以地盤文職較一般白領人工高，「我寧願返地盤工嘞。」