孫耀威（Eric）昨日假荃灣舉行簽名會，吸引200位fans排隊等候。相隔10年再舉行簽名會，Eric實行與fans零距離，先後主動走落台握手，玩遊戲時又熱情攬實女fans，𠱁得fans極之興奮，最後更脫下汗衣給fans留念。
下月開音樂會
新碟將衝破金唱片（即2萬張）及佔據HMV銷量榜兩星期冠軍，Eric極之滿意，惜未有假期，未能請同事旅行慶功，可能會請食飯慶祝。Eric將於下月5日假九展舉行首個音樂會，正為嘉賓名單煩惱，問到會否請緋聞女友應采兒捧場？他說：「台上都諗爆腦，台下有心嚟我就畀飛佢哋。」
日前被拍得與兩索女滑水，Eric解釋當日是帶英國返港表弟去滑水，兩女是表弟朋友，他笑說：「表弟帶索女嚟都好，條題話我起雙飛，其實係表弟起雙飛，我只係喺水上飛。」
採訪、攝影：馬建華