我哋OL都鍾意楊千嬅，唱K都淨係唱佢嘅歌。至於MaggieQ，要講句佢好難頂。千嬅無咁大殺傷力嘛，如果有個Q姐咁嘅同事，公司所有周末聚會，唔使旨意有女同事肯帶老公或者男友出嚟。
幾唔鍾意都好，Q姐真係幾勁，泊完大碼頭「靚佬湯」，再泊BruceWillis，而且就算闖荷李活，最多係夜會日本國腳中田英壽之類，冇「子怡」姐咁猴擒，至少無聽到Q姐餵Bruce食提子吖，呢啲叫「輸人都唔輸陣」，最緊要姿勢好睇，唔cheap。
聰明嘅blogger梗估到我想講佢套新戲《虎膽龍威4.0》。又有嘢益大家，電影公司老友送出呢套「死硬」限量禮品，包括15個激光錄音鎖匙扣、10隻虎膽512MBUSB手錶。有興趣就填上姓名、聯絡電話、「蘋果消費blog讀者索取禮物」字樣，email去[email protected]。每人限一份，先到先得，送完即止。
逢周一至周四刊出
