羅馬直擊
張曼玉前日在羅馬出席Valentino活動老貓燒鬚，甩鞋跌手機出醜，香港時間昨日凌晨她再出席品牌的盛宴時，在紅地毯上不敢輕舉妄動，安然過渡，但風頭就落在由Valentino親自揀衫的舒淇，以及谷湯碗胸當眾整衫的日本女星藤原紀香身上，一紅一藍，平分秋色。
意國名牌Valentino慶祝45周年，億萬金元打造閃爍輝煌的三天，記者會、45YearsofStyle時裝展和HauteCouture時裝騷等，壓軸之作，是香港時間昨日凌晨在GalleriaBorghese舉行的千人盛宴，來自全球的紅星、頂尖設計師和皇室成員等，雲集一堂舉杯同賀Valentino。
助手鬆拉鏈放胸
通往GalaDinner的紅地毯上，群星拱照如奧斯卡頒獎禮，星光熠熠，包括莎拉謝茜嘉柏嘉（SarahJessicaParker)、米積加（MickJagger)、施安娜美娜（SiennaMiller），其中奧瑪花曼（UmaThurman）穿上今年春夏的HauteCouture喱士裙到場，華麗動人，《穿Prada的惡魔》（TheDevilWearsPrada）女星安妮夏菲慧（AnneHathaway）更與男友情不自禁即場錫嘴，搶去不少風頭。
亞洲區方面，之前老貓燒鬚、甩鞋跌手機的張曼玉，今次安然過渡，而5月與諧星陣內智則結婚後，人氣回升的日本代表藤原紀香，以一襲寶藍色直身晚裝裙上陣，由於她身材太好，心口谷成湯碗胸，鎂光燈狂閃，但她忽然停步，助手馬上趨前，紀香當着傳媒面前整理長裙，而相信助手替她拉鬆少許拉鏈後，她心情及胸口都回復舒坦，可以繼續靚靚步行。
「幾時開工睇心情」
獲Valentino親自挑選一襲紅裙亮相的舒淇，美艷可人，她透露晚宴後次日就會離開，問她之前自爆對電影感厭倦，近期又頻頻出席名牌活動，可是有脫離電影行之意？她即否認說：「梗係唔係啦，都係拍戲為先，不過我之前講過，𠵱家係一年休息期，可以做啲輕鬆啲嘅事，我年底前都唔會接戲，𠵱家收到好多劇本，幾時開工就睇心情啦。」
採訪：MichelleLeung
攝影：EdwardChou
