無綫轉播中央電視台製作節目《大國崛起》今晚播放第二集，主持人狄娜踢爆結語自我審查，第一集已刪去一段她評論中國領導人的獨白，內容涉及前國家主席江澤民的「下台條件」。無綫則辯稱，刪剪是因為狄娜的solo（獨白）太長，需剪走與節目主題無關的片段。 記者：蔡元貴
電視節目《大國崛起》是央視的王牌製作，節目由息影多年的艷星狄娜主持，每集都會加插她的個人意見，上周一起在無綫播放，結果「第一集已經出晒問題。」
狄娜昨日接受本報訪問時說：「第一集錄完之後有啲要剪，有一段講江澤民同曾慶紅嘅。我話：『究竟曾慶紅有冇為佢（江澤民）講妥咗乜嘢條件，然後佢先至肯下台呢？』監製話要剪。」
中國不算是大國崛起
狄娜續說：「呢句係我成段說話嘅closing（結語），我話佢（江澤民）有冇（下台條件）之嘛，andthen你咪自己諗囉！但係佢（監製）認為我咁講，即係暗示咗佢哋談妥咗條件先至落台喇。」
狄娜當時無奈接受刪去這一句，及至播放當晚，她才驚覺「點知佢連前面嗰段都cut埋，變咗我收口收得好得意，接唔到，自己都嚇咗一跳。」
狄娜對此表示「好嬲」，「我話你再係咁樣，我就唔做喇」。
無綫外事部助理總監曾醒明則回應稱：「個節目約一小時，連廣告大約得番40分鐘。狄娜小姐一向主持節目都唔照稿講，佢又比較博覽群書，好多見解。時間所限，我哋惟有將同主題無關嘅周邊嘢剪咗去，並唔係因為政治敏感。」
《大國崛起》共分12集，遍述歐亞列強的振興歷史，節目在內地引發一片中國崛起的爭論。那麼中國算不算是崛起的大國？狄娜則劈頭一句：「當然唔係喇！」她解釋「淨係一樣fact（事實），我哋超過一億人口冇溫飽，點去崛起啫？你崛乜嘢起先得㗎？」
「將啲地割晒畀人呀」
「連自己人民飯都未有得食……你唔能夠睇嗰啲色情場所唱卡拉OK或者諸如此類嗰啲大款、嗰啲暴發戶，見到佢哋就話中國經濟好，見到一萬億嘅儲備就話經濟好。點解你唔返轉頭睇吓我哋爭日本幾多錢呢？點解你唔睇吓江澤民同胡錦濤，做乜要將啲地割晒畀人呀？」
狄娜說的是，清朝簽署的《南京條約》與《天津條約》，把烏蘇里江以北、大興安嶺以東的中國領土割給俄羅斯，「你做乜嘢呀江澤民？去同戈爾巴喬夫簽，將邊境啲地畀晒人。剩番兩個黑瞎子島，胡錦濤同普京又簽埋，我唔知佢哋以後點樣去同人民交代呢件事？」
狄娜小檔案
原名：梁幗馨
出生年份：1945
家境：父親梁錫洪祖籍新會，是律師、大學教授及廣東省稅務局副局長，一度是新會最大地主。母親是番禺人，中學就讀聖保羅中學。狄娜9歲時，父母已先後離去
星途：1962年開始拍戲，13年內參演了54套電影，最著名的是《七擒七縱七色狼》及《大軍閥》
婚姻：1967年，與來自中國大陸的前運動教練馬益彰結婚，至1972年離婚。狄娜曾未婚產子，於1968年誕下女兒馬天如
息影後生活：大部份時間在內地發展航天事業，近年多在歐洲拓展人造衞星業務
資料來源：《蘋果》資料室