黎姿為照顧車禍重傷的胞弟黎嬰，令她有份主演的長劇《珠光寶氣》外景一拖再拖，昨日眾演員終出發到青島，黎姿仍沒出現，但據知無綫已為黎姿找來替身頂檔。陳豪昨透露今次會跳拍黎姿戲份，待她復工時大隊再到青島，看來無綫今次成本必大增。
黎姿（Gigi）胞弟黎嬰今年5月遇上嚴重車禍昏迷，目前仍在瑪麗醫院深切治療部留醫，在無綫80集長劇《珠光寶氣》中任女主角的黎姿，為照顧胞弟而向無綫告假，令《珠》劇到珠海及青島等地外景拍攝一拖再拖，更盛傳令無綫超支100萬元。劇中與黎姿有不少對手戲的演員如邵美琪、李司棋、陳豪和蔡少芬等，惟有日日等開工，有傳邵美琪曾因而不滿，而大契李司棋早前更說：「亂晒大龍，我都好驚呀。」
醫院現身續沉默
押後多時，《珠》劇演員昨日終出發到青島，據知無綫未知黎姿是否能與外景隊會合，除跳拍其戲份，更於內地物色了一位女演員作黎姿替身，必要時拍側鏡頂檔，候黎姿復工時再上青島。昨午約12時半，揹着紅色手袋的黎姿到醫院探望弟弟，記者問她是否知道《珠》劇昨日出發到青島，又問她何時與劇組會合時，她一概笑而不答。
另方面，陳豪、林保怡和陳鴻烈等昨日在赤鱲角機場出發往青島，記者問陳豪到底黎姿會否同往，他說：「今次會跳拍Gigi嘅戲份，大概拍10日，佢下次再去。」談到分兩次拍攝會否很麻煩，陳豪說：「唔緊要，最緊要時間安排清楚，唔好阻礙進度。希望佢快啲安排好屋企嘅事，佢細佬冇事。」
「希望佢細佬醒番」
有傳黎姿請假令劇組超支過百萬，陳豪說：「未去到咁犀利，唔可以將責任放喺佢度，長劇牽涉好多人，進度係有遲，但拍外景報關上都出咗問題。」再問他有否跟黎姿聯絡，陳豪說：「我有打畀佢助手，唔夠膽打擾佢，希望佢細佬快啲醒番。」
林保怡卻表示青島外景沒有黎姿份兒，他說：「今次冇Gigi份，遲啲去西藏先至有佢。」問劇集進度是否拖遲許多，他說：「老實講，的確係拖慢咗，但唔係好多，希望黎姿細佬快啲好番，令佢放下心頭大石。」至於劇集是否超支，保怡說：「唔知，淨係知道公司應使則使。」此外，據知《珠》劇中飾演黎姿胞妹的蔡少芬，今次也會隨攝製隊到青島，前晚出發前夕，她仍抽空到九龍灣欣賞《哈利波特鳳凰會的密令》首映。
採訪、攝影：張俊銘、李珮洳、陳偉權
