電影《哈利波特鳳凰會的密令》（HarryPotterandtheOrderofthePhoenix）前晚於九龍灣舉行首映，不少星級父母都帶同子女捧場，包括鄭丹瑞與兩位千金、龔慈恩與女兒等，而蔡少芬、陳法蓉、洪欣及剛平復喪姪之痛的谷德昭也有到場。
鄭丹瑞力撐羅林
早前港人洪殷（譯音）入稟高等法院，控告《哈利波特》小說系列荼毒小朋友，要求作者羅林對相關家庭與小朋友賠償千億元，前晚眾捧場家長不表贊同，洪欣說：「係人都知《哈利波特》係虛構，我個仔6歲，佢都睇到好驚，佢見好多黑色嘢飛嚟飛去，以為係鬼片，睇乜戲我都會從旁指導。」鄭丹瑞則表示不同年代有不同的神怪故事，他說：「如果咁都要告，《格林童話》同《西遊記》都要告，我兩個女由第一本《哈利波特》睇到𠵱家都冇問題，冇過份沉迷，冇過激行為，反而嗰個原告人先係過激。」
採訪：李珮洳 攝影：葉君海
