何鴻燊三姨太陳婉珍、林嘉欣、江若琳、葉文輝及陳柏宇等，昨日於九龍塘出席「義不容遲2007」活動，三姨太陳婉珍以開幕嘉賓身份到場，她表示細女超蓮9月將到英國升學，問到會否擔心時，她說：「都好唔捨得，唔擔心就假喇，咁佢哋由細到大都知乜嘢應該做，乜嘢唔應該做。」
嘉欣愛揸弗
問三姨太會否介意女兒結交外籍男友？她說：「咁細個都只係識吓朋友，咁外國一定係要同外國人相處。」
林嘉欣昨日被委任為生命大使，她表示求學時也有做義工，更學到領導技巧，問她可有用於男友身上時，她說：「用喺屋企人身上就有，有時一家人去旅行都係我話事。」對於自己於無綫舉辦的《TVB最受歡迎廣告頒獎禮2007》，有份角逐「最受歡迎女主角」一獎，嘉欣說：「好開心，拍廣告對藝人嚟講已經好開心。」
採訪、攝影：王崇穎