沙士令市民對污水渠管的保養敲響警號，而U形隔器的作用令人關注。何文田邨剛完成為期10個月的大規模翻新工程，有居民發現，更換U形隔器後，污水渠出現滲漏，擔心隔器質素及喉管安裝出現問題，為該邨埋下計時炸彈，惟要求房屋署解釋，卻一直未有交代因由。
何文田邨自去年9月開始進行翻新工程，工程包括翻新各互委會辦公室、火牛房、泵房及垃圾收集站；另於采文樓、綺文樓、逸文樓、適文樓、景文樓的外牆位置更換U渠，以及安裝新氣喉，工程剛完成。
污水弄濕途人衣衫
綺文樓互委會主席雷先生表示，工程同時更換為於單位外牆的污水渠隔器，惟不少居民反映，自更換隔器後，有污水自渠管流出，滴到地面，更不時有途人的衣衫被滴下污水弄濕，極不衞生，居民埋怨「唔做好過做」，並懷疑隔器質素有問題，或工程手工欠佳，「點解換咗新隔器反而會有污水滴落嚟？污水仲要喺洗手盆駁出嚟嘅U形隔器位置漏出，自從沙士之後，大家對呢樣嘢好敏感，𠵱家咁滴法，好似埋咗計時炸彈！」
對喉管渠道略有認識的雷先生，曾仔細檢查滴水喉管，發現有部份U形隔器的活塞被人用膠封住，失去了平衡渠管壓力的效用，「活塞俾人封住咗，渠管裏面啲壓力會平衡得唔好，萬一喺同一時間有好多污水湧落嚟，應付唔到，啲污水就係渠身漏出嚟，可能會導致爆喉。」
雷先生曾要求房屋署解釋何以用膠封住U形隔器的活塞，並徹查是否安裝有問題，但一直不獲答覆。
管業處聲稱已解決
管理何文田邨的佳富物業服務屋邨經理尹寶盛承認，曾收過居民投訴有污水自渠管漏下，造成滋擾。他表示，有關工程已進入完工前最後檢查階段，負責翻新工程的建築公司已再進一步改善出現問題的喉管，漏水問題已解決。
尹稱，最近一次屋邨管理諮詢委員會中，已有人提出上述問題，房署的工程保養師已要求建築公司提交報告，解釋事件。不過，他未有回應本報多次追問漏出污水的渠管到底出現甚麼問題，只表示建築公司會更換出現問題的部份，並由原來設有活塞的隔器，改為採用沒有活塞的隔器。
專家意見：疑喉管設計欠佳致滲漏
香港城市大學建築科技學部講師兼香港給排水學會副主席張少雄表示，有污水自渠管漏出的原因有很多，如情況持續，則有可能是喉管設計欠佳所致，令不少污水「養喺」渠管內，可以「有成兩せ三層樓咁高」，若喉管未能承受污水壓力，令U形隔器上的活塞壓力超支，污水便會自渠身漏出。
或用劣質隔器
至於隔器活塞被膠封住，他估計或與質素有關，他表示，有可能活塞的膠「啤」出來時已經變形，未能良好發揮平衡渠管壓力效用，工人只好以萬能膠之類的物質將活塞封住，避免有污水漏出，「但係單靠用膠封住活塞，嗰啲膠冷縮熱脹，遲早會老化，頂唔住就會有大量污水漏出。」
至於房署表示會以沒有活塞的隔器取代有活塞的隔器，張少雄認為問題不大，但要安裝氣喉以作平衡，「雖然唔知啲喉管出乜嘢問題，但萬一真係有人裝錯咗，抑或入咗批劣質隔器，加裝氣喉總比重新入過批新嘅隔器來得化算。」
檔案編號：0601002