小時候我想成為警察除暴安良，你的志願又是甚麼呢？今日一班小蘋果充當售貨員見習生，學摺衫、量褲長、收銀，他們齊聲說：「原來打工真不易！」
記者︰薑餅人
攝影︰街坊泉
鳴謝︰b+bybossini（23711633）
收銀嘟得好過癮
平日和爸媽去shopping，獲售貨員哥哥姐姐殷勤招待，總想起劉德華哥哥那個「好客之道」廣告，不知自己當起售貨員，又會怎樣呢？好，就參加bossini的「至叻至醒服務大使」計劃，學做成功售貨員！試勻各項工作，大家一致認為拿起「嘟嘟槍」的收銀工作最好玩，有得「嘟」又可以把貨品入袋，結果個個爭着做呢！
考驗篇
考驗1：學摺衫
摺衫要摺得靚都要有技巧，齊齊跟住以下步驟試吓啦！
正確步驟：
1.左右兩邊衫身向內摺叠。
2.將下幅向上對摺。
3.將衫反轉。
評分
件衫摺得闊了點，不過都好整齊，有B+呀！
考驗2：量褲長
客人要將褲子的長度改短，售貨員便要用軟尺為客人度身。客人試身時，更要幫忙關上試身室的門簾。
評分
度身唔可以馬虎，子昕細心又準確，送個A畀你。
考驗3：收銀
顧客選購貨品後，我們要收取款項，將「紅外線槍」對準貨品上的條碼，電腦會自動計算總額，最後將貨品入袋，完成交易！
評分
朗淇彬彬有禮，笑容可掬，即頭係A++啦！
放工啦！
浩茵：我想做No.1的售貨員！
朗淇：收銀最好玩，有得「嘟」又可以把貨品入袋！
子昕：原來售貨員唔係行行企企咁簡單㗎！
卓楠：企了一天，腳仔都軟。
魔法句子教你講
售貨員必須親切和藹，所以Emma姐姐便教我們一些魔法句子，在不同的處境下使用，讓顧客賓至如歸！
處境：顧客選購貨品時
處境：顧客離開時
