年輕時在台灣謀生的樑伯，因長期未有與家人共處，致妻子兒女離他而去，晚年孤獨地生活，最近雖獲配公屋單位，卻因無力購買熱水爐，被迫數天才到公共浴室洗澡一次。
樑伯（66歲）過去一直在台灣任燒臘師傅，養活在港妻子及五名子女，「嗰陣台灣嘅生活指數同工作壓力都無香港咁大，每個月出咗糧就寄畀老婆做生活費。平時儲埋啲假，就一次過返嚟香港10零日，見吓啲仔女！」
蘋果基金撥款
樑伯當年，滿腦子「男主外、女主內」觀念，以為付足家用，已盡了為人夫、當人父責任，但年輕時逍遙，卻埋下晚年淒清的伏線。「都係自己衰，無關心過屋企人，搞到大家感情好淡薄，所以後尾老婆要同我離婚，帶啲仔女走，都唔怪得佢哋！」
渴望尋找親人
繼續在台謀生的樑伯，隨着年紀漸老，體力開始不繼，病痛纏身，「高血壓、糖尿病、耳仔要用助聽器外，心臟又衰竭，做唔到嘢！為咗生活，唯有返香港食綜援，同想搵番啲仔女見一面！」可惜，樑伯重回舊地，四出訪尋，仍未能聯絡上家人，成為他最大遺憾。
最近，樑伯獲配公屋單位，改善居住環境，但因將僅餘積蓄支付按金，無力購買熱水爐及煮食爐，「𠵱家隔幾日，就出去啲公共浴室沖一次涼，好唔方便！」
蘋果日報慈善基金為解決樑伯的清潔及煮食需要，已撥款安排為他安裝電熱水爐及煤氣煮食爐。
檔案編號：C2368