肥姐沈殿霞舊年接受膽管同肝腫瘤手術後，健康狀況都幾反覆，上個月佢曾經突然入院，諗唔到出院冇耐，又俾周刊拍到鄭欣宜同兩個姨媽大前日到瑪麗醫院探肥姐。馮仁昭好關心肥姐嘅病況，噚日打電話畀佢時，就由佢家姐接電話，佢透露肥姐已經出咗院，仲話：「佢冇乜事，檢查吓啫，喺屋企休息緊，多謝關心。」