吳宇森執導嘅新片《赤壁》投資最多嘅公司係日本嘅Avex，所以日方要求加入中村獅童演出，由於主要角色一早定好晒人選，結果導演惟有安排佢演周瑜旗下猛將甘寧呢個角色，點知開工幾日中村獅童拍一場大戰場面時，唔小心俾啲威吔拉傷咗啲手筋同腳筋。
導演飲西藏水
馮仁昭收風知道話中村獅童傷勢冇大礙，由於佢嘅戲份已經拍晒，𠵱家已經返咗日本養傷。
呢部戲因為周潤發辭演，外來投資呢部戲嘅資金係有啲縮水，但總成本都差唔多要5,000萬美元（約3.9億港元），單係導演飲嘅水都特別貴，因為啲水係由西藏特別運過嚟，一樽清水嘅價錢相等於一樽茅台酒，千祈唔好以為導演浪費，佢係成部戲嘅靈魂，如果導演飲咗有問題嘅水出事就大鑊，所以呢啲買水錢唔慳得。
