首次攜同新班子出席立法會答問大會的特首曾蔭權昨天表現信心十足，除了用盡歪理反駁普選提問外，更不時笑裏藏刀出言反諷民主派，前綫劉慧卿及公民黨都慘被「蹂躪」。聲稱要走入群眾的曾蔭權更學市井流氓「搞爛gag」（即說了自以為很好笑的說話，但別人並不覺得），笑稱自己人工不高，「住唔起」豪宅。
借題發揮諷刺公民黨
曾蔭權昨對民主派極盡諷刺，劉慧卿追問他是否曾說「劉慧卿之流嘅政改方案天堂至有」，又責其用「雜種仔」等核突用語時，曾蔭權罕有沒有發怒，反而「好言相勸」，指「（你）咁嬲做乜啫？嬲就解決唔到問題」，一手將問題拋到劉慧卿身上。
其後醫學界郭家麒質問他為何在政改問題「縮沙」，曾蔭權嚴詞否認後即反問「除非你唔要普選啫，要普選便要放低身段，多啲笑容；少啲人身攻擊、少啲語言暴力」，及後便擠出「四萬笑容」，刻意與泛民的「怒火」成強烈對比。
當公民黨梁家傑問及如何就政改綠皮書收集意見時，曾蔭權更借題發揮，指市民都知道要遵照《基本法》第45條處理，不點名指「有個政黨都係用呢個名做出名」，但「人人都知道，嗰個問題癥結嘅階段已經過去咗」，擺明諷刺前身為「基本法45條關注組」的公民黨「過氣」。
曾蔭權諷刺民主派之時，不忘自嘲娛人。被自由黨張宇人問及豬肉價格時，他自爆曾有省市領導指他人工高，但他即時否認，因為他這個特首是連垃圾站、巴士站甚至養豬事宜也要略知一二。其後談及貴價樓升得「離晒譜」時稱「呢啲唔係你同我住嘅」，後扮糾正說「對唔住，係有人住到」，但在席間懂得笑的人不多。
本報記者