港交所籌備經年嘅「披露易」電子通告計劃推出咗10日，就俾立法會議員拎去議事廳討論，大家焦點係佢哋冇照顧唔習慣上網、唔識上網嘅年長投資者，事關佢哋唔硬性要求公司喺報紙登通告，咁啲上市公司自然慳得就慳，係咁意出句提示算數。
噚日報業公會3名代表、投資者學會主席同一眾議員齊齊叫港交所，考慮行番硬性雙軌制，港交所上市科主管韋思齊點都唔答應，仲攞阿媽做擋箭牌㖭。
韋思齊話，佢媽子今年78歲，最近學識上網睇烹飪資料，邊個話上年紀人士學唔識上網？咁又係，華華同事敏妮噚日至講起，伯母60幾歲亦學識上網、發電郵甚至發SMS，所以你都咪睇小佢哋，而且通告唔係張張報紙都落，你亦唔會份份報紙都買，不如集中睇港交所網站仲好啦。
[email protected]