姊妹花組合2R的黃婉伶（Race）和黃婉君（Rosanne）簽約新公司後會作個人發展，Race會獨闖才女界，於本月推出首本作品《伶開始》，以回憶錄形式記述她入行前的經歷，日前她已率先欣賞了自己的作品，並直言恍如BB出世般興奮又緊張。
黃婉伶和黃婉君這對親姊妹於四年前出道時組成2R，不過近日她們已經簽約新經理人公司，並會作個人發展，二人同樣進軍歌影視，明年則分別推出個人國語專輯，Race更會率先於今個月書展期間推出首本類似回憶錄的作品《伶開始》，實行撇下家姐獨闖才女界。
對於有機晉身為才女，Race急急澄清說：「我唔係要做才女，我寫嘢唔係咁好，只可以用簡單中文表達，今次出書都係想等大家認識我多啲，自己由13歲開始已經寫日記，所以當公司問我有乜興趣時我就話寫嘢，咁先有今次出書決定。」
公開感情生活
書內除了有Race的靚相外，還有入行前的生活到入行後的經歷，也有過往的感情生活及跟家人相處時的喜與悲。問到會否講及過往的緋聞男友時，她就大賣關子說：「到時睇書囉，其實以前拍拖分手都唔會講自己對對方嘅感覺，今次可以藉着本書寫出嚟。」
至於要與家姐分開發展，Race直言很不習慣，她說：「以前做訪問時講嘢講到一半唔識表達，家姐就會幫我接埋落去，𠵱家好似少咗啲嘢，冇乜安全感，因為自己都會幾依賴家姐，始終喺香港得我哋兩個相依為命。」當她得知若明年兩姊妹同時推出新碟，有機會一起角逐女新人獎時，Race即雀躍說：「咁就幾好玩，真係冇諗過可以再做新人，兩個人一齊攞就最好。」
採訪：駱華齡 攝影：陳慧安
髮型：TavinofHairCulture
服裝提供：SistyrMoon
場地提供：HairCulture
