蒙嘉慧、鄭嘉穎同商天娥等噚日喺將軍澳出席無綫新劇《與敵同行》拜神儀式，有雜誌指蒙嘉慧同男友鄭伊健好事近，蒙嘉慧否認：「我嘅劇一部接一部，與其成日俾人亂作，不如我亂話自己生咗仔兼離埋婚啦。」鄭嘉穎就好內疚早前整傷商天娥，佢話：「場戲係講我搶阿媽（指商天娥）錢，推開佢時可能大力咗。」