手提電話已是每個人的必需品，但科技發達同時也帶來不少麻煩，鄧穎芝日前與妹妹到清水灣曬太陽時，遇上一名怪男子，他用手機拍攝沙灘上穿三點式的女泳客，結果被警察帶走。
警覺性較低
鄧穎芝表示該名男子穿着T恤及長褲在沙灘漫步，她說：「我初時只係覺得呢個男人好古怪，咁熱佢都着住條長褲，又冇曬太陽又冇落水，後來就見佢走嘅時候俾警察截停。」原來這名男子偷偷用手機拍下不少泳衣照，鄧穎芝都不知道自己是否成為受害者之一，她說：「當時我同細妹都係着住三點式曬緊太陽，俾佢影咗都唔知㗎，好彩呢個人都俾警察帶走咗，而且喺沙灘曬太陽時警覺性冇咁高，不過下次我都會小心啲。」
一向喜歡陽光與海灘的鄧穎芝，暫時要與陽光告別，因為她下月會到泰國拍攝唱片封套及MV，所以現時不可以曬得太黑。鄧穎芝為了以最佳身材示人，已戒了消夜三個月，她說：「以前我晚晚都會消夜又食零食，𠵱家知道到影相時要着三點式，我點都要忍口，同埋8月我會帶20套三點式過去影相。」
採訪：李珮洳
攝影：葉君海
本欄逢周一至六刊出
人物誌：華人新秀夜夜笙歌
鄧穎芝（Vangie）
年齡：22歲
三圍：32、24、34
鄧穎芝2003年參加全球華人新秀歌唱大賽進入八強，2004年正式出道，推出過《V2》及《玻璃鞋》兩張唱碟，並擔任許冠傑演唱會的表演嘉賓（圖）。鄧穎芝經常被拍得與友人夜蒲的照片，去年曾與組合EO2成員Eric傳緋聞，其後又被指姣黐霍啓山。
