今年樓市順風順水，唔單止發展商賣樓大豐收，代理都賺到笑。搵到錢嘅公司，自然要同員工分享一下，繼中原地產班後勤終於加咗人工後，近年股價節節上升嘅美聯集團，亦以行動獎勵一班成日都要捱更抵夜嘅後勤同事，今個月會發放上半年花紅，相當於月薪60%。
連同今次花紅，集團今年已經發放咗1.2個月花紅，班後勤可以食飯兼唱歌直落慶祝啦。
至於美聯嘅子公司香港置業，香港置業總舵手胡日發話，上半年嘅樓市，係呢10年最燦爛，為答謝後勤對前線同事嘅全力配合，以及對公司作出嘅貢獻，今個月向所有後勤員工發放四分一個月特別花紅，希望除咗班前線可以喺旺市中搵到盤滿缽滿外，班默默耕耘嘅後勤都可以分享成果。
[email protected]