余慕蓮已有13年沒有到過歐洲旅行，近期處於半退休狀態的她，日前放假到歐洲充電，暢遊多個國家，見識當地的紅燈區，嗅到陣陣大麻味，還看到站滿裸女的櫥窗，眼界大開。余慕蓮更大受團友和靚仔領隊歡迎，成為團中開心果。
余慕蓮早前偕友歐遊，先後到了意大利、荷蘭、法國、瑞士和英國等地觀光，度過了一個愉快的假期。現在半退休狀態的余慕蓮說：「我都幾十歲人，錢賺唔晒，我一個人冇人冇物，夠使就得，有時間寧願享受人生。13年前我去過歐洲玩，呢次舊地重遊，歐洲一樣畀我好舒服嘅感覺，可惜歐羅換港幣好高，所以消費好貴。」
闖荷蘭紅燈區
最令余慕蓮肉痛的是使用歐洲部份公眾洗手間是要付款，她說：「屙篤尿都成蚊歐羅，差唔多10蚊港幣，咪話唔肉赤。」
問到余慕蓮對歐洲那個國家印象最深刻？她說：「每個地方都好玩，特別去到荷蘭，嗰度係合法吸食大麻，所以導遊帶我哋去紅燈區見識，去到嗰度已經聞到好大陣大麻味，我又透過櫥窗見到好多裸女，佢哋個個身材好正，可惜唔准影相。」
廣受團友歡迎
這次參加旅遊團，余慕蓮更成為團友的開心果，大家爭相與她拍照留念，靚仔領隊Ivan對她照顧有加，所以此行留下不少美好回憶。余慕蓮說：「同團一班後生仔話好鍾意睇我做戲，有次去到一啲華人社區，當地華人冇乜嘢娛樂，所以佢哋都認得我，又係咁拉住我影相同簽名。」
採訪：比華利
