周麗淇（Niki）昨日出席無綫舉辦的《TVB最受歡迎廣告頒獎禮2007》記者會，她表示去年接拍了不少廣告，故收入十分可觀，對於有份在頒獎禮角逐「最受歡迎女主角」，她自覺表現最好，有信心攞獎。
周麗淇、陳法拉、湯盈盈、曹敏莉、港姐陳茵媺、周家蔚及呂慧儀等，昨日在尖沙嘴出席下月5日舉行的《TVB最受歡迎廣告頒獎禮2007》記者會。Niki憑「道地百果園」廣告角逐最受歡迎女主角，當台上司儀問到她認為幾位候選人中誰的贏面較大時，她即毫不客氣地說：「你咁問我，我梗係覺得自己最好啦！」
豬籠入水買樓
雖然Niki很希望奪獎，但她自言拍廣告已十分有滿足感，她說：「可以拍廣告已經好好，因為係收入嘅最大來源，而且我本身都係拍廣告入行，真係贏咗咪當係獎勵囉。」Niki更表示去年接拍了不少廣告，故收入十分可觀，近日更準備做業主，她說：「仲同媽咪睇緊，未落實。」
曹敏莉昨日戴上3卡黃鑽戒指示人，問到是否男友求婚鑽戒？她說：「係朋友送嘅，咁朋友知我鍾意黃鑽咪送畀我囉。」問到將來男友求婚豈不是需要3卡以上鑽戒，她說：「鑽石唔係在於大細，最緊要係心意同識得欣賞。」
陳法拉冇情講
此外，早前被拍得與Neway太子爺同車的陳法拉，被問到會否以友情價為對方拍廣告時，她說：「公司OK咪OK囉，收平就唔會，都係公價。」
採訪：王崇穎
攝影：葉君海
