阿嬌則於6時多，在四名保安、助手及電影公司職員陪同下抵現場，原來她得悉其內地癡情男fans「007」已殺到長洲探班，故她甫見記者即說：「救命呀！慘啦！」難怪她連忙會合披浴袍的小方和馮德倫，由兩男護駕到酒家吃飯，007則說：「我先係阿嬌嘅真命天子，我唔會傷害佢，我唔返去啦，要留喺香港。」
發火叫收聲
阿嬌用膳後步往附近大廈拍攝現場，出入期間終撞正007，手挽膠袋及沙灘蓆的他向阿嬌大唱情歌兼攞簽名，阿嬌只說：「遲啲先啦。」語畢火速離開。至她拍戲時，007忽然用日語大叫「我愛你」，令阿嬌十分扯火，雙手叉腰罵他道：「我哋喺度拍緊戲，收緊音，你唔好喺呢度。」他即說：「OK，應承你。」
另一位有份參演的黃聖依前晚在長洲拍戲，她收工離開時竟獲約五、六人傍實到便利店買飲品及陪上船，排場厲害。
採訪、攝影：娛樂突發組