工行近日收到多張成績表，張張都表現唔錯。英國《金融時報》「全球五百大企業」中，工行首次入榜兼躋身十大，排第九，都咪話唔厲害。
而《亞洲周刊》今年「亞洲銀行三百」排名，工行以9300億多美元嘅總資產排第二，並以60幾億美元純利成為亞洲最賺錢嘅銀行。
《金融時報》嘅五百大企業係按市值高低排列，頭四名分別係埃克森美孚、通用電氣、微軟同花旗集團，工行可以話係異軍突起。
工行舊年喺中港H＋A股同步上市，集資219億美元，創下全球集資額最高紀錄。呢個紀錄，剛啱喺英國《銀行家》雜誌攞埋「2007年度全球交易獎」，兼喺「第二屆中國銀行業百強」中，以4620.19億元資本問鼎榜首。有咁嘅成績，怕且阿爺都好滿意。
LiWaWa@AppleDaily.com