曾志偉噚日喺銅鑼灣自己開嘅餐廳，出席奇華餅家廣告記者會。佢話拍呢系列廣告成10年，仔女都出過鏡，所以今次就搵媽咪（左）幫手，佢話：「媽咪今年78歲，所以專登拉隊去台灣幫佢影相。」志偉話媽咪答應演出後失眠咗幾日，後來知道唔使出鏡，只需要影張相就定晒，為報答媽咪，志偉會將酬勞全數送畀媽咪。