又一日本大熱漢堡店進駐香港！在日本有15年歷史，共有250間分店的FreshnessBurger上星期在尖沙嘴開業，以健康做賣點，不是空口說白話，而是依循三大法則做漢堡──手做南瓜包、手摘蔬菜、不含生長激素的鮮牛肉。今日一於解構該店招牌漢堡嘅每一層，且看有何特別之處。
記者︰施樂文
攝影︰陳盛臣
Model︰Algie
開業現人龍
開業的首天已有長長人龍的FreshnessBurger，餐廳以健康做賣點，標榜零反式脂肪，香港店的餐牌是日本的2/3，提供8款和風鮮堡、特級牛肉漢堡共10款即叫即製的漢堡，還有熱狗、沙律和小食等選擇。飲品方面，該店有20款有機咖啡選擇，所以真的不只漢堡快餐店咁簡單，而是名副其實的burgercafe呢！
空運汁料保質素
說到漢堡包內的醬汁，諸如蛋黃醬、肉醬等，都是從日本店運來，照燒美國雞肉亦在日本煮好後，才真空運來港，所以，無論食物質素和味道，都跟日本店吃到的一模一樣。除了店中主打的和風汁肉鮮堡必食外，較特別的煙肉奄列鮮堡、吉列明治鮮堡，以及份量十足的特級雙層牛肉芝士鮮堡均值得一試。
和風肉汁鮮堡
餐廳的signatureburger，南瓜包的味道和新鮮的牛肉漢堡扒，配合得天衣無縫，肉汁多得滿瀉，厚切番茄嫩甜無渣。
第一層
南瓜包︰每日新鮮出爐，加入南瓜的包身鬆軟帶少許甜味，亦增加了營養價值。
第二層
手摘蔬菜︰本地新鮮菜，手摘比機摘更能保持蔬菜完整，養份不易流失。
第三層
肉醬和蛋黃醬︰日本空運到港，確保品質和味道跟日本店的一樣。
第四層
鮮牛肉漢堡扒︰選用澳洲不含生長激素牛肉，即叫即製。
吉列明治鮮堡
吉列明治即吉列免治豬肉，豬肉扒炸得剛好，不會太油膩，亦沒有一般的豬羶味。
特級雙層牛肉芝士鮮堡
雙層牛肉漢堡扒，牛味香濃，加上半溶芝士的引誘下，令我吃完一口又一口。
煙肉奄列鮮堡
煙肉奄列做餡料甚新穎，煙肉邊煎後香脆，很有油香，不禁一路追着吃。
照燒雞沙律（前）
原粒粟米湯（後）
原裝由日本空運到港的照燒雞，加熱後味道依然十分惹味，不過汁醬多一點會更好。粟米湯用原粒粟米磨茸煮成，不加湯粉，入口鮮甜。
法蘭克福芝士熱狗
除了漢堡，亦供應兩款熱狗，法蘭克福芝士熱狗雖略欠新意，但上面濃濃的芝士醬汁，也足夠令人食指大動。
食客有Say
余生︰「知道係新舖特地同囡囡來試，漢堡味道唔錯，會再幫襯。」
劉小姐（右）：「試咗和風肉汁鮮堡，入面啲菜好新鮮，一定會再食。」
林小姐：「照燒牛肉好juicy，牛味好夠、好香！」
食店資料
FreshnessBurger（31010183）
地址︰尖沙嘴海港城海運大廈2樓OT242號舖
營業時間︰10am-10pm